تعرضت مذيعة قناة الزمالك مها صبري، لانتقادات لاذعة بعد انتشار صورة لها، بقميص فريق صن داونز قبل مواجهته ضد الأهلي اليوم الجمعة، على استاد القاهرة، في إياب نصف نهائي دوري أبطال إفريقيا.
وردت مها صبري عبر حسابها على فيسبوك :"ناس كتير نشرت وشيرت صورة مفبركة ليا وأنا لابسة تيشيرت صنداونز! وعلشان أكون صريحة، أنا مصدومة إن في ناس صدقت الموضوع أصلًا! الصورة دي مش حقيقية ومعمولة بالذكاء الاصطناعي، وده واضح لأي حد عنده أقل قدر من الفهم أو التمييز.. ولو في حد عنده فيديو، يورّينا! لإنه ببساطة مافيش، وده كله افتراء وكلام مالوش أي أساس من الصحة".
وتابعت: “مش قادرة أصدق كم الشتيمة والتجريح اللي جالي من غير حتى ما حد يفكر يتحقق! مافيش شخص واحد بس قرر يشوف إيه الحقيقة قبل ما يشتم أو يعمل شير! أنا بتبع مؤسسة إعلامية محترمة، ومش ممكن أعمل تصرف غير مهني بالشكل ده. واللي يعرفني كويس، عارف إن أنا طول عمري زملكاوية، ومش ممكن ألبس أي تيشيرت في الدنيا غير تيشيرت نادي الزمالك".
واختتمت: “بعلن إني هتخذ إجراءات قانونية واضحة ضد الصفحات اللي روجت للإشاعة دي بهدف تحقيق الترند والانتشار على حساب اسمي وسمعتي”.
ويخوض فريق الأهلي المصري مواجهة نارية أمام صن داونز الجنوب أفريقي مساء اليوم الجمعة، في إطار إياب نصف نهائي دوري أبطال إفريقيا، حيث يستضيف اللقاء استاد القاهرة الدولي في تمام الساعة السابعة مساءً بتوقيت القاهرة.
تشكيل الأهلي المتوقع أمام صن داونز
محمد الشناوي في حراسة المرمى، وأمامه الرباعي مصطفى العش، رامي ربيعة، أشرف داري، ومحمد هاني، وفي الوسط مروان عطية، أحمد رضا، إمام عاشور، وطاهر محمد طاهر، بينما قاد الهجوم جراديشار.
واستبعد مدرب الأهلي 6 أسماء من قائمة الأهلي ضد صن داونز في إياب نصف نهائي دوري أبطال أفريقيا، وهم: (علي معلول- يحيى عطية الله- كريم الدبيس- عمر الساعي- خالد عبدالفتاح- سمير محمد).
0 تعليق